Բագրատ արքեպիսկոպոս Գալստանյան, «Ինքներս մեզ հաղթելով», ժանրը՝ գիտահանրամատչելի, 212 էջ, հրատ. ՆյուՄեգ, 2025թ.:
Այս գիրքը Հայաստանի նորագույն պատմության անկյունաքարային դրվագների վերլուծությունն է պետություն-եկեղեցի-ազգ փոխգործակցության առանցքի տեսանկյունից: Նրանում մեկտեղված են հեղինակի զրույցներն ու հոդվածները պետության, ժողովրդի, Հայ Առաքելական եկեղեցու եւ առընթեր թեմաներով։
Գիրքը Հայաստանի առջեւ ծառացած հիմնախնդիրները լուծելու ուղեցույց է, ճանապարհ դեպի ավելի ամուր եւ հոգեւոր արժեհամակարգով զինված Հայաստան: Հեղինակն այս աշխատությամբ ընթերցողին պատգամում է հանուն Հայաստանի հաղթահարել բոլոր խոչընդոտները, հիշեցնում, որ պայքարի առաջին քայլը հաղթելն է՝ ինքներս մեզ հաղթելը:
Ի՞նչ պետք է անի Հայոց եկեղեցին պետական կառավարման համակարգի եւ ազգային հաստատությունների բարելավման համար: Ինչպե՞ս պետք է պետությունն օգտագործի եկեղեցու ներուժն ու հավատի ուժը: Այս հարցերի շուրջ է հիմնականում կառուցված գրքի սյուժեն, որի շնորհանդեսն օրերս կայացավ Գյումրիում: