Thursday, 16 January 2025

F Free Platform

Մանրանկար. աշխարհը գլխիվայր շրջվե՞լ է…

Star InactiveStar InactiveStar InactiveStar InactiveStar Inactive
 

Անհնար է մեր ապրած տարիները մեկառմեկ մտաբերել, որ կյանքի դաս էր սերունդների համար։

Անհնար է մտովի անցնել մեր թողած ոտնահետքերով, որ թշնամին ջնջում է անխնա, բայց մենք այն փայփայած ենք պահում մեր հիշողության մատյանում։

Անհնար է ժողովրդի մի ստվար հատվածի հասկացնել, որ մենք՝ բոլորս, դարերի խորքից ենք գալիս ու պիտի պահենք մեր պատմությունը։

Անհնար է դառնում լսել բարբաջանքներ, որ սերտում են ոմանք՝ որպես ճշմարիտ դաս։

Երբ կորցնում ենք ամեն օր, ընդդիմանում են մեզ, թե մի՛ հիշեցրեք, կյանքի շվայտությունն ավելի գրավիչ է։

Անտարբերությունն էլ մեկ ուրիշ լուսանցք է, որ զբաղեցնում է մարդկանց չեզոքությունը` թեկուզ աշխարհը շրջվի, մենք չենք տեսնում, չենք լսում, կույր ու համր ձեւանալն ավելի նախընտրելի է։

Քեֆ անողի քեֆն էլ չի պակասում, ինչո՞ւ երկրի հարցերով նրան շեղել…

Ու մտածում ես՝ աշխարհը գլխիվայր շրջվել է, մարդն ուզում է երկրին պատած հոգսերից հեռու ապրել, հոգ չէ, թե այդ երկրում ինչ կլինի:

Ցավոք, ամենօրյա է դառնում նորաձեւ ապրելը՝ ի՜նչ հայրենիք, ի՜նչ բան, «որտեղ հաց՝ այնտեղ կաց», որտեղ էլ լինես՝ բախտ ունես, քեֆ արա…

 

Նատաշա Պողոսյան

The Armenian Center for National and International Studies

Yerznkian 75, 0033
Yerevan, Armenia

Tel.:

+374 10 528780 / 274818

Website:

www.acnis.am

  

The views of the authors do not necessarily reflect those of the Center.

While citing the content, the reference to "ACNIS ReView from Yerevan” is obligatory.