Հինգշաբթի, Փետրվարի 22, 2024

Գրքի մեկնություն

Իեն Մըքյուեն «Քավություն»

Օգտվողների գնահատում. 5 / 5

գործուն աստղգործուն աստղգործուն աստղգործուն աստղգործուն աստղ
 

Իեն Մըքյուեն, «Քավություն», գեղարվեստական արձակ, անգլերենից թարգմանությունը՝ Մարիա Սադոյանի, 296 էջ, «Զանգակ», 2023թ.:

Իեն Մըքյուենի «Քավություն» վեպի գործողությունները տեղի են ունենում 1935 թվականին՝ Անգլիայում։ Թոլլիսների ընտանիքի անդորրը խախտում է տան մոտակայքում կատարված մի հանցագործություն։ Այս միջադեպը՝ մեկնաբանված տասներեքամյա Բրայոնիի կողմից, կփոխի բոլորի ճակատագիրը, որին կհետեւի նաեւ վերահաս պատերազմը՝ իր անդառնալի հետեւանքներով։ Վեպն անդրադառնում է հիշողության, մանկության, պատերազմի, սիրո թեմաներին։

Գիրքը ճամփորդության է հրավիրում երեւակայության ու իրականության սահմանագծին գտնվող մի աշխարհ եւ վերջում առկախ թողնում հարցը՝ իրականությո՞ւնն է ավելի կարեւոր, թե՞ երեւակայությունը։ Կլանող ու առինքնող սյուժեն, սերն ու կիրքը, մեղքն ու քավությունը, պատերազմն ու ներքին ալեկոծումները միայն արտաքին շերտերն են բարձրաժեք գեղարվեստական այս ստեղծագործության, որը հուզել ու գրավել է ընթերցողներին ամբողջ աշխարհում։

Անգլիական գրականության կենդանի դասական համարվող Իեն Մըքյուենի վեպը 2001 թվականին առաջադրվել է Բուքերյան մրցանակի եւ հայտնվել կարճ ցանկում։ The Observer-ը «Քավությունը» համարել է երբեւէ գրված 100 մեծագույն վեպերից մեկը, իսկ The Telegraph-ն այն ներառել է «բոլոր ժամանակների 100 լավագույն վեպերի» ցանկում։ Վեպի հիման վրա նկարահանված համանուն ֆիլմը արժանացել է Օսկարի։

Ռազմավարական եւ ազգային հետազոտությունների հայկական կենտրոն

ՀՀ, Երևան 0033, Երզնկյան 75

Հեռ.՝

+374 10 528780 / 274818

Էլ. փոստ՝

info@acnis.am

Վեբկայք՝

www.acnis.am

Հոդվածագիրների տեսակետները կարող են չհամընկնել ՌԱՀՀԿ դիրքորոշումներին:

Արտատպման դեպքում հղումը «ACNIS ReView. Հայացք Երեւանից» օնլայն-հանդեսին պարտադիր է: